In nomine Domini nostri Iesu Christi amen. Anno a nativitate ipsius millesimo quatricentesimo sexagesimo septimo Regnante serenissimo et illustrissimo domino nostro domino Ferdinando… die sexto mensis aprilis quintedecime indictionis. Nos Antonellus de Angelo de Neapoli ad contractus iudex, Nicolaus Marinus de Mercurio de Neapoli publicus ubilibet per totum regnum Sicilie citra Farum regia auctoritate notarius et testes subscripti … declaramus, notum facimus et testamur quod predicto die nobis prefatis… existentibus in quodam regio hospitio sito et posito in plathea Sancti Georgii Maioris, civitatis Neapolis, iuxta domos heredum condam egregii legum doctoris domini Micaelis Ritii, iuxta vias publicas a duobus partibus… in quo quidem hospitio magna curia domini magistri iustitiarii regni Sicilie regebat et regit ad presens … , comparuit in ipsa magna curia tunc ipsa pro tribunali sedente nobilis et egregius vir Marinus Cossa de Neapoli, procurator venerabilis in Christo patris et domini domini Alfonsi Cosse de Neapoli Dei et apostolice Sedis gratia episcopi Melfie, de qua procuratione nobis fidem fecit per publicum procurationis instrumentum… et procuratorio nomine quo supra in dicta curia coram nobis exhibuit, produxit et presentavit subscriptum instrumentum in carta de coyro scriptum, non abrasum, non viciatum, non cancellatum nec in aliqua ipsius parte suspectum sed omni prorsus vicio et suspicione carentem, ut prima facie apparebat et per omnia erat tenoris subscripti [vedi sotto doc. 5, inserto]. Quo quidem instrumento per dictum Marinum, quo supra nomine, coram dictis domino regente et iudicibus presentato ac per eos coram nobis viso, lecto et diligenter inspecto, statim prefatus Marinus, quo supra nomine, asseruit et notificavit … ipsius domini episcopi et dicte sue ecclesie interesse habere dictum instrumentum transumptatum, autenticatum et in puplicam formam redaptum et exemplatum et ipsum penes se habere ut possit et valeat de dicto instrumento et contentis in eo facere plenam fidem. Ideo prefatus Marinus… nos… requisivit et… rogavit attente, nostrum super hoc officium, quod est puplicum, implorando, ut dictum instrumentum transumptaremus, autenticaremus, exemplaremus et in puplicam formam reddigere deberemus … Cuius quidem Marini quo supra nomine precibus et requisicioni devote parentes, eo maxime quod iusta petebat et iusta petentibus non est denegandus assensus, presertim in hiis que honestatem sapiunt et requirunt..., dictum instrumentum de verbo ad verbum prout iacet, nichil in eo per nos adito, mutato vel subtracto, quod sensum mutet vel variet quomodolibet intellectum, autenticavimus, exemplavimus, transumptavimus et in presentem puplicam formam reddegimus… Quod scripsi, transumptavi… ego prefatus Nicolaus Marinus…

In nomine sancte et individue Trinitatis. Anno ab incarnatione Domini nostri Iesu Christi millesimo centesimo quadragesimo nono et anno regni domini nostri invictissimi Rogerii Dei gratia regis nono decimo, mense septembri indictione duodecima. Sincere caritatis postulatio effectu debet prosequente compleri, ut mutue dilectionis fervor fideliter enitescat et res postulata vires habuntanter adsumat. Eapropter ego Stefanus Dei gratia Melfiensis ecclesie electus, congnitis vestris iustis petitionibus contemplacione divine pietatis et habita consideratione religionis et sanctissimi officii quod vos venerabiles fratres hospitalis Jherusolomitani servientes Domino exhibetis, consensiente una mecum capitulo Melfiensis ecclesie, coram Goffrido regali iudice et subscriptis testibus dono et concedo vobis et sonodochio, cui fideliter curam pauperum agentes inservitis, ecclesiam sancti Stefani, que est extra portam Melfie iuxta balneum, cum omnibus suis pertinentiis subscriptis et circumdatis hiis finibus et passibus mensuratis. Primus finis est a pariete muri dicte ecclesie usque ad portam, que est prope balneum, in quo producitur passibus vigintiquinque. Secundus finis est a dicta porta sicut ascendit superius usque ad serram que dicitur Mons Sancti Salvatoris, in quo producitur passibus nonaginta septem et pedibus tribus. Tertius finis est ut vadit et extenditur per serram dicti montis usque ad Ripam Albam, in qua producitur passibus centum quinque et pedibus quatuor. Quartus finis est sicut descendit a Ripa predicta usque ad flumen Tonaris, in quo producitur octiginta passibus et pedibus duobus. Quintus finis est a dicto flumine et vadit per viam publicam et prope domum hospitalis et extenditur usque ad campanarium dicte ecclesie sancti Stefani, in quo producitur passibus nonaginta septem et pede uno: mensura quidem huius est qualis designatur inspicitur in campanario iam dicte civitatis episcopii, suscipiente eam cum omnibus concessionibus et donacionibus supradictis vice nostra domino Pagano venerabili viro magistro pro tempore in partibus Apulia [..] et per librum trado ut amodo illam cum donacionibus et concessionibus prefatis tam vos quam vestri successores imperpetuum teneatis et possideatis sine ulla contradicione vel molestacione alicuius persone, publice vel private, secularis seu ecclesiastice. Dono etiam et concedo ut tam vos quam vestri successores potestatem habeatis recipiendi ad sepelliendum in predicta ecclesia illos qui de tota nostra parrochia sepelliri fieri voluerint, ea tamen lege et eo tenore ut singulis annis in festivitate sancte Marie de augusto pro predictis concessionibus et donacionibus parti nostri episcopii unam unciam auri tam vos quam vestri successores tribuatis. Quod si vos vel vestri successores facere nolueritis vel neglexeritis ad ius dominiumque nostrum predicta ecclesia cum donacionibus et concessionibus supradictis revertatur. Ad huius donacionis et concessionis firmitatem iussi per magistrum Rogerium duo privilegia inde ordinari scribente illa Johanne Cito regali notario qui inde rogatus fuit ut unum apud nos resideat, alterum apud ecclesiam nostram remaneat et mea subscriptione precedente aliorum quoque canonicorum nomina et subscriptiones vel signacula ad fidem unanimis voluntatis consequentur adiuncti. Ego Stefanus Dei gratia Melfie electus hoc pactum confirmavi et hoc signum feci. Rogerius de Regiis iudex. Ego Petrus cantor subscripsi. Ego magister Rogerius subscripsi. Signum crucis proprie manus Rizardi filii Leonis Maraldi. Ego Baro me subscripsi. Signum crucis proprie manus Raynaldi sacerdotis et canonici. Signum crucis proprie manus Ugonis canonici. Ego Petrus Iudicis me subscripsi. Signum crucis proprie manus Absalonis canonici. Signum crucis proprie manus Raynaldi filii Pandolfi. Ego Lodoicus me subscripsi. Signum crucis proprie manus Johannis archipresbyteri et canonici. Signum crocis proprie manus Petrarche canonici. Ego Mattheus me subscripsi. Ego Gualterius hoc confirmo. Signum crucis manus proprie Iordani. Signum crucis manus proprie Johannis canonici. Signum crucis proprie manus Sebastiani canonici. Ego Maynardus me subscripsi. Ego Johannes Citus stratigotus me subscripsi. Ego Robertus Rufinus me subscripsi. Signum crucis proprie manus Jonathe Parmentorii. Signum crucis proprie manus Roberti Alapanze. Signum crucis manus proprie Raynaldi Ferveterre. Ego Rogerius Basasorete me subscripsi. Signum crucis proprie manus Balduyni de episcopo. Signum crucis proprie manus Alexandri condam filii Donati de Azaro.

Segnatura: II, 6 A.S.V.
Datatio cronica: 1467 aprile 6, XV indizione
Datatio topica: [Napoli]
Trasmissione: originale [A]
Scrittore o rogatario: Nicola Marino de Mercurio di Napoli, notaio regio
Edizione: MERCATI, Miscellanea Giovanni Mercati, pp. 276-280 n. III

Marino Cossa di Napoli, agendo in qualità di procuratore di Alfonso Cossa della stessa terra, vescovo di Melfi, chiede a Nicola Marino de Mercurio di Napoli, notaio regio, la redazione in pubblica e autentica forma di un diploma vescovile datato 1149 settembre.

Dimensioni e stato di conservazione: 53.5 x 36.5 Membrana, nel complesso, in buono stato di conservazione, leggermente sfrangiata lungo il margine superiore e sinistro e interessata da imbrunimento imputabile a umidità lungo la fascia laterale destra.
Annotazioni eventuali: nel centro della lettera incipitaria è presente una piccola decorazione.
Tipologia di negozio giuridico: redazione in pubblica e autentica forma.
Classificazione diplomatistica: documento privato
Segni cancellereschi: sono presenti i signa crucis autografi dei sottoscrittori e il signum tabellionatus.

Trasmissione: inserto [B] nel doc. II, 6
Datatio cronica: 1149 settembre, XII Indizione, XIX anno di regno di Ruggero II Re
Scrittore o rogatario: Johannes Citus notaio regio
Edizione: MERCATI, Miscellanea Giovanni Mercati, pp. 276-280 n. III
Autore: Stefano vescovo di Melfi
Destinatario: ospedalieri di S. Giovanni gerosolimitano

Stefano vescovo di Melfi, agendo con il consenso del suo capitolo e del giudice regio Goffredo, dona agli ospedalieri di S. Giovanni gerosolimitano la chiesa di S. Stefano sita all’esterno delle mura della città di Melfi, presso i bagni pubblici, e concede loro facoltà di seppellire chiunque voglia all’interno di detta chiesa, in cambio della corresponsione annuale all’episcopio di un’oncia d’oro da versare ad agosto in occasione dei festeggiamenti in onore della Vergine.

Classificazione diplomatistica: documento semipubblico.